Маја Андоновска Илијевски со стил ја водеше церемонијата по повод одбележувањето на 41-вото издание на Интернационалниот фестивал „Браќа Манаки“.
Истакнатата актерка и директорка на Центарот за култура во Битола ја отвори свеченоста во Пациото на Музејот на Битола со зборовите: „Ајде вечерва да погледнеме подалеку, да бидеме мудри, да бидеме инвентивни и да го преминеме видливиот ѕид. Ајде смело да му погледнеме на непознатото в очи.“
Облечена во гламурозен костум со реси, Андоновска им оддаваше чест на наградените и почесните гости.
Поради пандемијата со КОВИД-19, „Браќа Манаки“ годинава остана без филмска програма и беше одбележан со настан со ограничена публика.
