Билјана Јаневска ќе ја претставува нашата земја на изборот за Мис туризам во Малезија. Поради коронавирусот, овојпат натпреварот ќе се одржи онлајн на 17 јануари следната година.
На изборот ќе учествуваат убавици од вкупно 31 земја.
За македонската манекенка Мис туризам е најубавото нешто што ѝ се случило оваа година. „Miss Tourism International 2020/21 е најубавото нешто што можеше да ми се случи оваа година. Иако беше доста тешка за мене. Го изгубив својот татко. Изборот за Мис ми ги оттргна мислите. За жал, поради КОВИД-19 пандемијата сме спречени да патуваме во Малезија, но изборот виртуелно ќе се одржи на 17 јануари догодина. Се надевам дека ќе ја направам горда својата земја и дека нема да ја разочарам. Чест и привилегија е да се биде рамо до рамо со останатите земји кои учествуваат и за мене е голем престиж“ – изјави Билјана за Femina.mk и им се заблагодари на Олег Дементиенко и Panter Models.
