Glamour: 5-годишната Сури Круз меѓу најдобро облечените жени?!?

Списанието Glamour ја објави својата листа на најдобро облечени жени на светот. Според резултатите од анкета спроведена на сајтот на Glamour, а во која својот глас го дале 17 000 посетители, титулата за најдобро облечена жена за 2011 ја доби Ема Вотсон.

На второто место се најде пејачката Шерил Кол, а на третото актерката Кристен Стјуарт. Но, она што го привлече вниманието на медиумите е појавата на Сури Круз меѓу најдобро облечените жени.

Петгодишната ќерка на Том Круз и Кејти Холмс се најде на 21-вото место, пред прочуените Сара Џесика Паркер (23-то место), Џесика Алба (26-то место), Кети Пери (27-мо место) и Ким Кардашијан (29-то место).

Ема Вотсон Шерил Кол

„Тоа што малата Сури се обидува да го издигне својот папараци изглед до совршенство наместо да оди да игра со своите врснички е сосема погрешно“ – критикува британскиот The Sun.

Од Glamour пак го објаснуваат изборот на Сури со зборовите: „Таа ја има најпосакуваната гардероба во Холивуд“.

Сури Круз е омиленото славно дете на папараците. Таа постојано полни насловни страни со својот стил на облекување. Постојат и специјални блогови кои го следат само и единствено стилот на Сури. Се проценува дека облеката на Сури Круз вреди повеќе од 3 милиони долари. Таа поседува облека специјално изработена за неа од дизајнери како Џорџо Армани.