Темното чоколадо изобилува со антиоксиданси и научниците веќе го класифицираат како суперхрана.
Ново истражување покажало дека темното чоколадо е побогато со антиоксиданси од соковите на некои плодови како боровинки и малини, кои веќе се нарекувани суперхрана.
Темното чоколадо изобилува со антиоксиданси кои го заштитуваат телото од рак и срцеви болести
Научници од Пенсилванија ја споредувале количината на антиоксиданси во сокови од боровинки, малини и калинки со количината на антиоксиданси во темното чоколадо, какаото и топлото чоколадо.
Темното чоколадо се појавило на врвот на листата според антиоксидансите кои ги содржи, а се покажало и дека какаото има повеќе антиоксиданси од овошните плодови. Од друга страна, течното чоколадо останало на дното на листата, затоа што во текот на загревањето се губат антиоксидансите.
Антиоксидансите се корисни затоа што се борат против слободните радикали во телото и помагаат во заштитата од рак и срцеви болести.
Семето од какао треба да се смета како „супер плод“, а продуктите направени од семето на какаото, како што е природното какао во прав и темното чоколадо, за „суперхрана“ – изјавила д-р Дебра Милар, којашто го предводела истражувањето.
Експертите се согласуваат дека какаото е одлично за здравјето, но предупредуваат дека чоколадото содржи и многу шеќер и масти и затоа треба да се консумира умерено. Според нив, најдобро е да се купува чоколадото кое има највисок процент на какао.
