Јогуртот може да го намали ризикот за појава на кариес кај децата, тврдат научниците. Резултатите од јапонско истражување потврдија дека за да се намалат шансите за појава на кариес со 22%, треба да се консумира јогурт барем 4 пати неделно.
Јогуртот ги штити забите од кариес.
Научниците го истражувале и ефектот на други млечни продукти, но станало јасно дека сирењето и млекото немаат позитивно влијание врз здравјето на забите како што има јогуртот.
Сè уште не е точно познато како јогуртот ја намалува потребата од пломби. Истражувачите претпоставуваат дека тој содржи протеини кои се „врзуваат“ на површината на забот и го заштитуваат од негативното влијание на штетните киселини.
Ова не е прво истражување со вакви резултати. Претходно, австралиски научници исто така докажаа дека јогуртот ги штити детските заби од појавата на кариес.
