На оние со подлабок џеб кои не се задоволуваат само со модните додатоци и облеката од италијанскиот бренд Версаче, сајтот Versace Home им нуди луксузни предмети за уредување на домот.
Меѓу многуте чинии, филџани, свеќи, огледала, ламби, вази и перници, се издвојува колекцијата Vanitas Armchair која се состои од два луксузни стола.
Vanitas Armchair White
Столовите се обложени со кадифе и дезенирани со принт во Барок стил, а украсени со декорации од 24 каратно злато. Секој од нив чини по речиси 6000 долари.
Vanitas Armchair Black
Според Elle, раскошните столови биле дизајнирани од самиот Џани Версаче во 1994 година.
