Сигурно многупати сте си помислиле дека телата на моделите кои ги гледате на интернет и во рекламите не се реални. Сега има и доказ со кој би можеле да го поткрепите таквото размислување. Шведскиот бренд H&M призна дека телата на манекенките кои ги користи на својот сајт се создадени компјутерски, а врз нив се поставени глави на реални жени-модели.
Исто тело, различна глава
„Тоа не е реално тело, целосно е виртуелно и направено од компјутер. Ги фотографираме облеките на кукла и потоа создаваме човечки изглед со компјутерска програма. Не се работи за идеали или за да покажеме совршено тело... го правиме ова за да ја изложиме облеката“ – изјавил Хакан Андерсон, претставник на H&M задолжен за односи со јавноста.
Скандинавските медиуми го критикуваат ваквиот потег на H&M и тврдат дека компанијата има толку високи стандарди за изгледот на манекенките што не може да пронајде жени кои имаат и соодветно лице и соодветно тело за да ги рекламираат нивните производи. Експертите тврдат дека вака се искривува претставата за изгледот на женското тело.
Уште еден доказ дека моделите во рекламите не треба да ги гледаме како примери за идеален изглед.
