Запознајте го најголемото бебе родено на територијата на Германија. Невообичаено големото новороденче во моментот на раѓањето тежело 6 килограми и 100 грама, а било долго 57,7 сантиметри. Најголемото изненадување е што големото девојче било родено вагинално, без царски рез.
Според информации од германските медиуми, мајката имала недијагностициран гестациски дијабетес, кој влијае врз нормалниот раст и развој на бебињата.
Девојчето Јаслен било родено во болница во Лајпциг на 26 јули. И мајката и бебето се во добра здравствена состојба.
Новородените девојчиња во просек тежат 3,2 килограми и се долги 49 сантиметри, пишува Der Spiegel.
