Ако некогаш патот ве носи кон покраината Кадиз во Шпанија, не заборавајте да го посетите Сетенил де лас Бодегас.
Шармантното бело гратче е позната туристичка атракција, а дел од куќите во него се сместени под џиновска карпа. Ова уникатно населено место брои повеќе од 3.000 жители. Тоа е особено познато по месните производи, кои се прават од свињите што се размножуваат на околните ридови. Баровите и рестораните во гратчето се едни од најдобрите во регионот, а кога ќе ги видите фотографиите од него, ќе ви стане јасно зошто оваа дестинација е толку привлечна за туристите.
За многу куќи во градот, карпите служат како ѕидови и покриви, што е особено корисно во жешкиот летен период.
Се верува дека луѓето живееле тука уште од праисторијата, но градот започнал да се развива во 12-тиот век, кога во него живееле Маурите. Подоцна, жителите преминале кон користење на ладните делови под карпите како природни „ладилници“ за складирање на различни видови храна.
