Војвотката Меган со стил ја продолжува официјалната турнеја со принцот Хари низ Австралија

Стилот на Меган Маркл непрекинато е анализиран до детали. Креациите и модните додатоци кои 37-годишната војвотка ги носи додека ги извршува кралските обврски инстантно се распродаваат.

Војвотката Меган моментално е на официјална турнеја со принцот Хари низ Австралија и континуирано прима само пофалби за своите стајлинзи.

За официјалното отворање на споменикот „Anzac“ во Сиднеј посветен на воените жртви и херои, шармантната поранешна актерка беше облечена во црно од глава до пети. Минималистичкиот фустан доаѓа од ателјето на Емилија Викстед, шапката е дело на Филип Трејси, обувките се од Табита Симонс, додека чантичката е изработена од модната куќа Живанши.

Парот присуствуваше и на настан организиран од премиерот на Австралија, Скот Морисон. За оваа пригода, Меган носеше црни панталони, обувки и ролка, бело сако со пруги и црно-бела чанта.

На отворањето на Invictus Games во познатата Сиднејска опера, сопругата на принцот Хари се појави во фустан од Стела Мекартни и салонки од Стјуарт Вајцман.

Harry and Meghan (in a @StellaMcCartney dress have arrived at the @SydOperaHouse’s Bennelong restaurant with the Premier of New South Wales @GladysB for a reception welcoming #IG2018 to Sydney. pic.twitter.com/GzGnfQuFR0

— Omid Scobie (@scobie) October 20, 2018