Тојота насолзи илјадници очи со новата реклама која ја прикажува вистинската приказна на браќата Робин и Брајан МекКивер.
Видеото започнува со ски тренинзи и натпревари помеѓу двајца браќа. Тие растат и тренираат да бидат сериозни скијачи. За жал, на 19-годишна возраст едниот брат започнува да го губи видот и неговиот сон за учество на Олимпијада се срушува како кула од карти.
Но, тој не се откажува, туку посилен отсекогаш одлучува да продолжи да тренира и да не дозволи хендикепот да го спречи. Наместо за Олимпијада, браќата започнуваат да се подготвуваат за Параолимписките игри. Робин му станува водич на Брајан и ЗАЕДНО освојуваат десет параолимписки медали.
