Емотивно видео ја следи битката за живот на бебенце родено предвреме со тежина од само 800 грама

Минијатурен борец ја извојува најтешката битка. Бебенце родено со тежина од само 800 грама се избори за живот и денес е 17-месечно момче кое нормално се развива.

Видео

Поради компликации во бременоста, Мили Мирфин се породила во 25-тата недела од бременоста. Малото момче, кое го добило името Џенсен, преживеало крварење во мозокот и имало срцеви проблеми, па прогнозите на докторите биле многу лоши. На родителите им било кажано дека се мали шансите да преживее нивното новороденче.

„Не мислевме дека Џенсен ќе преживее, но секогаш имаш надеж. Беше навистина многу мал, можев да го држам на едната дланка. Сметавме дека ќе има слабост на десната страна и ја влечеше десната нога зад себе, но го надмина тоа. Ни велеа дека поради крварењето во мозокот нема да има добри моторни вештини. Не знам што се случи, но тој е целосно нормален. Во изминатиов месец тој започна да оди и да зборува, неверојатно е и ние сме пресреќни од напредокот“ - изјавила мајката.

„Гледајќи го Џенсен, се чувствуваме многу горди за сè што има надминато - тој навистина е борец“ - додала таа и објаснила дека со видеото цели да им даде надеж на други родители кои се во слична ситуација.