Видео од среќниот момент кога момче со церебрална парализа ќе ги направи првите чекори кон својот брат-близнак разнежнува срца.
4-годишните Лохлан и Лекс се родија три и пол месеци предвреме со тежина од по 740 грама. И двајцата имале крварење во мозокот и проблеми со срцето и не се знаело дали ќе преживеат. Лекс ги надмина сите здравствени предизвици и сега му помага на брат му Лохлан, кој има церебрална парализа.
Во видеото, тој го охрабрува Лохлан да чекори кон него без помагало, а потоа го фаќа во прегратка. На крајот, Лохлан среќно се смее поради своето постигнување.
Мајката на близнаците, Севи Џејн, постојано ја раскажува приказната за своите синчиња, нарекувајќи ги „чуда“.
