Новиот миленик од Samsung, Galaxy Note Edge е ексклузивно достапен во салоните на Vip. Запознајте го светскиот предводник во врвниот изглед и супериорните карактеристики, кој ги предизвика досегашните правила во дизајнот на смарт-телефони и ги промени правилата на нивната употреба.
Револуција во дизајнот со Edge Screen
Благодарение на својот иновативен дизајн, Samsung Galaxy Note Edge им овозможува на корисниците нов начин за пристап до информациите. Уникатниот заоблен раб на екранот овозможува брз пристап до често користените апликации и функционалности на уредот, со само едно движење на прстот. Исто така, овој заоблен раб на екранот Ве информира и за сите нотификации, без притоа да ја прекине активноста на главниот екран, благодарение на новиот Edge screen. Па така, може слободно да гледате видеоклипови или да слушате музика, без притоа известувањата да Ве прекинат во уживањето.
Колаж од одлични фотографии
Отсега може да ја користите и задната и предната камера за одлични фотографии од Вашето секојдневие. Благодарение на комбинацијата на предната камера од 3.7MP и 16MP OIS задна камера, правете фотографии со висок квалитет.
Означи лесно со опцијата Smart Select
Со помош на S pen лесно ќе направите селекција на одредена содржина, без оглед на тоа дали станува збор за текст, екран или за апликација. Целата Ваша селекција можете да ја ставите на едно место, да ја зачувате, или пак, веднаш да ја споделите.
Фаќај забелешки со Photo Note
Photo Note е одличен начин да ги зачувате Вашите мисли, или пак, да креирате уникатни фотографии, бидејќи со Photo Note записот може веднаш да го конвертирате од аналоген во дигитален и да правите дополнителни промени, на белешки или бои, со помош на S pen.
